حمدان بن محمد بن راشد آل مكتوم (فـــــــــــزاع)(فخر الأجيال)
على وصف الرجال اللي تسمـى بالفعـال رجـال
لفت بيـض العلـوم وبيـض الله وجـه راعيهـا
لفت ما كنها إلا سبـق الخيـل إن بـدت تختـال
نواصيهـا النعـوت وفـي مناكبهـا .. قوافيـهـا
قصايـد والقصايـد مـا نساومهـا بجـاه ومـال
نعـب بحورهـا وان هـاج مزملهـا نرسيـهـا
إذا امتـد الفكـر وامتـد ليـل والقصيـد وطـال
توشحـت الشـوارد ولبسـت الاشعـار غاليهـا
كذب من قال ساعفني عليهـا الجـن يـوم تقـال
أنـا البـس جنهـا واصـدر مواردهـا وارويهـا
أنا، ولا فخر، نجل الشامـخ المتمـرس الريبـال
على وصفـه تجارينـي القصايـد قبـل أجاريهـا
على (محمد ابن راشد ابن مكتـوم) طـاب الفـال
وطابـت لـي قبـل لا الـزم قوافيهـا معانيـهـا
متى قالوا صواريها المعاني .. ما هنـاك إشكـال
حـرام انـي لامـد شراعهـا لاكبـر صواريهـا
على اكبر منبر أرميها ثنا وعز وفخـر واجـلال
ما دام ان الثنا لاهله .. على اكبر منبـر أرميهـا
لاجل قرم غرس حلمه لشعبـه واثمـرت الآمـال
حقايـق نبصـر أولهـا .. ونتبـاشـر بتاليـهـا
حقايق واضحه من دون (أبو راشد) صعب تنطـال
تباركهـا القلـوب وتبهـر النـاظـر مغانيـهـا
مغانيها تراود كـل عطـر مـا خطـر ع البـال
واراضيهـا يـراود كـل عاشـق فـوع ناديهـا
أراضيها الخزامـى والنفـل والبختـري والهـال
وما يخطر على بـال العطـر يزخـر باراضيهـا
ولي فيها محب أسرف على قلبـي وحـط وشـال
طلب روحي وروحـي منـه فيهـا اللـي يكفيهـا
من اول ما عرفتـه والضلـوع تجـر لـه مـوال
ولا ادري نيتـه بضلـوع صـدري وش تواليهـا
أنا محتـار مـا بينـه وبيـن (دبـي) بالمثقـال
يا أما (دبـي) لـه تحـلا أو انـه لـي محليهـا
أو ان (دبي) تحلا لان (أبـو راشـد) لهـا خيـال
نعـم والله وتسبـق خيلهـا مـن سبـق واليـهـا
(دبي)العز مـن طيـب النسايـم عودهـا ميـال
تمسي صاحـب القـدر ونحـن باسمـه نمسيهـا
صدى داره بشرق وغرب وجنوب التقـى شمـال
قبض الاربـع جهـات يليـن داره ذاع طاريهـا
طغى عزمه على وعر الدروب وله غدت مسيـال
تسيـل الأرض لاقدامـه وتفخـر مـن مواطيهـا
غريبه كيف جادت بـه سنينـه والسنيـن بخـال؟
والاغرب كيف تظما له وهـو بالجـود يسقيهـا؟
لو ان المجد سهل إن كان كل طـال منـه ونـال
دروب المجـد ودروب العـلا صعبـه مراقيـهـا
طويل العمر ما جيت اعتزي في وصفـك الأمثـال
ولكـن المثايـل تعتزيـنـي بــك .. والبيـهـا
يا ابوي ابشر ترى شبلك توارت عن مداه أشبـال
وثب فوق الـدروب وسابقـت رجلـه خطاويهـا
ورث عزمك وحزمك والخصال تجر طيب خصال
مواثيقـه علـى طـرق المكـارم بـك يجديـهـا
إذا شد الفخر لاجلك رحالـه قمـت اشـد رحـال
على نهجك عشان افرد رحالـه وارجـع أطويهـا
واذا قالوا : من ادرى بالحصابـي والـوزن ثقـال
عرفت ان الوزون ثقال وانـت أدرى بحصابيهـا
على الدنيا جدال إلا انت والله مـا عليـك جـدال
مع ان إيـدك يجـادل كـل وادي سيـل واديهـا
لو ان السحب تنشا من كفوف أمست عليك ظـلال
وخرت ساجده لاهل الثـرى مـن جـود منشيهـا
مكارمك المكارم والعطايـا مـن بحـرك جـزال
لو ان السفن تجري فـي يمينـك ضـاع شاطيهـا
يمينك كم لاحت وابرقـت وابطـت وهـي تنهـال
ولا والله تـدري عـن يسـارك كـم معاطيـهـا
وكم رجل بصدره حاجة وجـاك وقبـل لا يسـال
عطيته .. كنـك أدرى بالصـدور وسـر خافيهـا
وكم حلم سبقته .. كان في عيـن الزمـان محـال
تقول المقبـلات أفضـت عليـك أسـرار باريهـا
يقولون اختصرت أجيال .. واقول انته فخر الاجيال
إذا الأجيال بك ما تفخـر .. مـن يفتخـر فيهـا؟
حمدان بن محمد بن راشد آل مكتوم (فـــــــــــزاع)
لو حصل من بيننا صد وجفا
شمس حبك في عيوني ما تغيب
وفي حنانك يا بعد عمري وفاء
فيك معنى الحب يا روحي يطيب
صـادق شوقك وشوقي صفــا
لو تروح بعيد من قلبي قريب
في غرامك هام قلبي واكتفـاء
Commentaires
salima le 05/02/2008 à 00:03:29salut,
c'est formidable le poéme que tu as écrit ,je vous votre émai personnel s'il vous plais .